Cuma, 2024-03-29, 8:59 AM | Hoşgeldiniz Ziyaretci | Kayit Ol | Giriş

Anasayfa
SITE MENÜ
GIRIŞ FORUM
KATEGORILER
Karachay Malkar [4] Dünyadaki karachay [1] Türkiye Karachay [1]
TRAFIK

Toplam çevrimiçi 1
Ziyaretci 1
Kullanici 0
PIYASALAR

  • BAŞHÜYÜK FORUM SİTESİ

    KARAÇHAY SITELERI


  • Anasayfa » 2009 » Haziran » 24 » KARACHAY MILLI ORYDASI
    11:38 PM
    KARACHAY MILLI ORYDASI

    МИЛЛЕТ БАЙРАГЪЫБЫЗ, ТАМГЪАБЫЗ эмда ОРАЙДАБЫЗ





    Джолубуз бизни тюзледен таулагъа, Тейриден Аллахха келтиргенди. Ол бизни тарихибизди, къадарыбызды. Миллет Байракъ, Тамгъа, Орайда халкъны джазыуун кёргюзтген  белгиледиле. Бу символланы мен халкъыбыз реабилитациясы ючюн ёрге къобхан 1990-чы джыллада джарашдыргъанма, артхаракъда миллетибизни «Джамагъат» атлы демократ организациясы аланы къабыл этген эди.

    Эм алгъа ачыкъ этиб къояргъа излегеним: Байракъны, Тамгъаны джарашдыргъан, къабыл этген сагъатда да, «Къарачай», «Малкъар»
    деб, экиге бёлюннген халкъыбызны бирлигин эсде тутханбыз. Миллет Орайдабызны сёзлерин джазгъан сагъатда, эки тюрлю этгенме: Малкъар джаны разы болса, «Ас-Алан» («Къарачай-Малкъар») атлы варианты къаллыкъды, алай болмаса – къуру «Къарачай» атлы варианты согъуллукъду, джырланныкъды. Бирин Къарачайгъа, бирин да Къарачай-Малкъаргъа джоралаб, эки тюрлюсю бла да боллукъду хайырланыргъа.

    Байрагъыбызны кенги, узуну дунияда джюрюген стандарт ёлчеледиле. Байракъ юч тенг кесекге юлешинеди. Баш джанында бояу – кём-кёкдю – чексиз чууакъ Кёкню белгиси; биз Тейри адамы, Тейри халкъы, Тюрк халкъы болгъаныбызгъа шагъатлыкъ этеди. Экинчи кесеги – джап-джашил бетлиди; бюгюн биз ислам муслиман халкъ болгъаныбызны белгисиди. Тейриден Аллахха келтиргенди джолубуз. Джашил бояуда, джашил нюрде учуб баргъан чыммакъ-акъ къанатлы – Минги Тауубуз – Кавказ джуртубузну, мийикликни, тазалыкъны белгисиди. Байракъны эм тюбюнде бояу – къызылды. Бу джуртну джауладан сакълай, халкъны тёгюлген къаныны белгисиди.

    Байрагъыбызда
    болгъан бояула-магъанала сакъланадыла Тамгъабызда да. Джангыз, Кёкден
    Джерге-Джуртха созулгъан Айны къучагъындады Минги Тау джетимюйюш
    джулдузу бла башында. Акъ барс чекни сакълайды. Акъ барс (къар барс)
    Алан къралыбыздан келген белгиди. Ай бла джулдуз ислам динни белгисиди.
    Джулдузну джетимюйюш болгъаны – «джетини»- таша, туру да кёб магъанасы
    болгъанындан чыгъады. Тамгъа юч бояулу къуршоуну ичиндеди.

    Театр
    такъкъычдан башланады дейдиле, халкъ а – байракъдан. Дунияны башында
    байрагъы, тамгъасы, орайдасы болмагъан халкъ бармыды? Джокъду. «Бёрю
    атарыкъ – бёркюнден» дейдиле. Байракъ – ол халкъны бёркюдю. Адамны
    (манкъурт болмай, адам эсе ол) аты, тукъуму болмай мадар болмагъанча,
    Халкъны да (сюрюу болмай, халкъ эсе ол) Байрагъы, Тамгъасы, Орайдасы
    болмай амал джокъду. Бизни халкъ ёмюрлени узагъына кърал бола,
    къраллыкъ джюрюте келгенине шагъатлыкъ этген – Флаг, Герб, Гимн сёзле
    бизни тилибизде бардыла – Байракъ, Тамгъа, Орайда. Ёмюрлени узагъына ол
    символла тюрлене келгендиле. Барын да эсге ала, джарашдыргъанма бу
    сыйлы миллет белгилени. 1990-чы джыллада «Джамагъат» къабыл этген
    Байракъны, Тамгъаны, Орайданы халкъыбыз ёрге тутар деб, умут этеме.

     

    Миллетлеарасы Тюрк Академияны эмда

    Къарачай-Черкес кърал университетни сыйлы доктору,

    Къарачай-Черкес джумхуриетни халкъ шайыры,

    «Ас-Алан» дергини баш редактору

    Лайпанланы Билал

     

    Къарачайны миллет орайдасы-маршы-гимни

    КЪАРАЧАЙ

    Бештау джаны, Архыз, Махар, Теберди...

    Мийик Джуртну бизге Тейрибиз берди,

    Минги Тауну Сеннге тыйыншлы кёрдю,

    Джулдуз халкъы, Тейри халкъы Къарачай!

    Минги Тауну Сеннге тыйыншлы кёрдю,

    Джулдуз халкъы, Тейри халкъы Къарачай!

    Не залимни аллында да бюгюлмей,

    Къара кюн да эркинликден тюнгюлмей,

    Таш башында джашау эте келгенсе,

    Ётгюр миллет, ёхтем миллет Къарачай!

    Таш башында джашау эте келгенсе,

    Ётгюр миллет, ёхтем миллет Къарачай!

    Ненча кере КЮНЮ, АЙЫ тутулгъан,

    Анча кере джелмаууздан къутулгъан,

    Темирлеге, Къурчлагъа да къатылгъан,

    Деу халисин кёргюзтгенди Къарачай!

    Темирлеге, Къурчлагъа да къатылгъан,

    Деу халисин кёргюзтгенди Къарачай!

    Юзмегенсе нартюх, арпа урлугъун,

    Джигитликни, адамлыкъны къорлугъун,

    Бурун кибик кърал къурадынг, къурдунг,

    О нарт халкъы, алан халкъы Къарачай!

    Бурун кибик кърал къурадынг, къурдунг,

    О нарт халкъы, алан халкъы Къарачай!

    Барды сени Аллахынг да, тилинг да,

    Ёсюб келген сарыджилик тёлюнг да,

    Къатылмазла Сеннге къартлыкъ, ёлюм да,

    Ёмюрлеге джашарыкъса Къарачай!

    Къатылмазла Сеннге къартлыкъ, ёлюм да,

    Ёмюрлеге джашарыкъса Къарачай!

    Karaçaynı millet oraydası-marşı-gimni

    KARAÇAY

    Beştau canı, Arhız, Mahar, Teberdi...

    Miyik Curtnu bizge Teyribiz berdi,

    Mingi Taunu Sennge tıyınşlı kördü,

    Culduz halkı, Teyri halkı Karaçay!

    Mingi Taunu Sennge tıyınşlı kördü,

    Culduz halkı, Teyri halkı Karaçay!

    Ne zalimni allında da bügülmey,

    Kara kün da erkinlikden tüngülmey,

    Taş başında caşau ete kelgense,

    Ötgür millet, öhtem millet Karaçay!

    Taş başında caşau ete kelgense,

    Ötgür millet, öhtem millet Karaçay!

    Nença kere KÜNÜ, AYI tutulgan,

    Ança kere celmauuzdan kutulgan,

    Temirlege, Kurçlaga da katılgan,

    Deu halisin körgüztgendi Karaçay!

    Temirlege, Kurçlaga da katılgan,

    Deu halisin körgüztgendi Karaçay!

    Üzmegense nartüh, arpa urlugun,

    Cigitlikni, adamlıknı korlugun,

    Burun kibik kral kuradıng, kurdung,

    O nart halkı, alan halkı Karaçay!

    Burun kibik kral kuradıng, kurdung,

    O nart halkı, alan halkı Karaçay!

    Bardı seni Allahıng da, tiling da,

    Ösüb kelgen sarıcilik tölüñg da,

    Katılmazla Sennge kartlık, ölüm da,

    Ömürlege caşarıksa Karaçay!

    Katılmazla Senñge kartlık, ölüm da,

    Ömürlege caşarıksa Karaçay!

    Халкъыбызны миллет орайдасы-маршы-гимни

    АС-АЛАН

    Беш Тау Эли – къошулгъан джер нюр бла кьар –

    Басхан, Чегем, Холам, Бызынгы, Малкъар;

    Бештау джаны, Архыз, Махар, Теберди...

    Джер джаннетин уллу Аллах бизге берди,

    Минги Тауну Сеннге тыйыншлы кёрдю,

    Ой Къарачай-Малкъар халкьы – Ас-Алан!

    Тейри адамы, Тейри халкъы, ас-салам!

    Къара таныгъан билим халкъы, орайда!

    Не залимни аллында да бюгюлмей,

    Къара кюн да эркинликден тюнгюлмей,

    Таш башында джашау эте келгенсе,

    Ётгюр миллет, ёхтем миллет Ас-Алан!

    Ётгюр миллет, ёхтем миллет, ас-салам!

    Къаблан кёллю джигит миллет, орайда!

    Ненча кере Кюню, Айы тутулгъан,

    Анча кере джелмаууздан кьутулгьан,

    Темирлеге, Кьурчлагьа да кьатылгъан,

    Ой тюрк халкьы, акъ барс халкьы, Ас-Алан!

    Тюрк-муслиман Кавказ халкъы, ас-салам!

    Тюрк-муслиман Кавказ джурту, орайда!

    Юзмегенсе эчки, арпа урлугьун,

    Джигитликни, адамлыкъны кьорлугьун,

    Бурун кибик кьрал кьурадынг-кьурдунг,

    О нарт халкьы, алан халкьы, Ас-Алан!

    О нарт халкъы, алан халкъы, ас-салам!

    О нарт халкъы, алан халкъы, орайда!

    Барды сени иманынг да, дининг да,

    Ёсюб келген сарыджилик тёлюнг да,

    Къатылмазла Санга кьартлыкъ, ёлюм да,

    Ёмюрлеге джашарыкъса Ас-Алан!

    Шан Къарачай-Малкъар халкьы – Ас-Алан!

    Шам Къарачай-Малкьар джурту – Ас-Алан!

    Бюгюнюнге, тамбланга да ас-салам!

    Бюгюнюнге, тамбланга да орайда!

    Halkıbıznı millet oraydası-marşı-gimni

    AS-ALAN

    Beş Tau Eli – koşulgan cer nür bla kar –

    Bashan, Çegem, Holam, Bızıngı, Malkar;

    Beştau canı, Arhız, Mahar, Teberdi...

    Cer cannetin ullu Allah bizge berdi,

    Miñgi Taunu Senñge tıyınşlı kördü,

    Oy Karaçay-Malkar halkı – As-Alan!

    Teyri adamı, Teyri halkı, as-salam!

    Kara tanıgan bilim halkı, orayda!

    Ne zalimni allında da bügülmey,

    Kara kün da erkinlikden tüñgülmey,

    Taş başında caşau ete kelgense,

    Ötgür millet, öhtem millet As-Alan!

    Ötgür millet, öhtem millet, as-salam!

    Kablan köllü cigit millet, orayda!

    Nença kere Künü, Ayı tutulgan,

    Ança kere celmauuzdan kutulgan,

    Temirlege, Kurçlaga da katılgan,

    Oy türk halkı, ak bars halkı, As-Alan!

    Türk-musliman Kavkaz halkı, as-salam!

    Türk-musliman Kavkaz curtu, orayda!

    Üzmegense eçki, arpa urlugun,

    Cigitlikni, adamlıknı korlugun,

    Burun kibik kral kuradıñg-kurduñg,

    O nart halkı, alan halkı, As-Alan!

    O nart halkı, alan halkı, as-salam!

    O nart halkı, alan halkı, orayda!

    Bardı seni imanıñg da, diniñg da,

    Ösüb kelgen sarıcilik tölüñg da,

    Katılmazla Sañga kartlık, ölüm da,

    Ömürlege caşarıksa As-Alan!

    Şan Karaçay-Malkar halkı – As-Alan!

    Şam Karaçay-Malkar curtu – As-Alan!

    Bügünüñge, tamblañga da as-salam!

    Bügünüñge, tamblañga da orayda!


    [color=green]




    Ekler: Resim 1
    Katagori: Karachay Malkar | Göster: 2271 | Ekliyen: bagalikaracayli | Izlenme orani: 0.0/0
    Toplam yorumlar: 0
    dth="100%" cellspacing="1" cellpadding="2" class="commTable">
    İsim *:
    E-Posta:
    Güvenlik kodu *:
    ARAMA
    TAKVIM
    «  Haziran 2009  »
    PzPztSÇrşPrşCCts
     123456
    78910111213
    14151617181920
    21222324252627
    282930
    MINI CHAT
    NEREDEN GIRILDI
    free counters

  • GAZETELER
  • YOUTUBE AÇ

  • /Youtube.exe
    Yasakli Youtube sitesini açmak için yukaridaki dosyayi indirin ve açin sonra bilgisiyari yeniden başlatin o kadar
  • BAŞHÜYÜK FORUM

    Telif bagalikaracayli © 2024